SEOUL, SURKOREA, AFP.- Norkorea a tèst dos misil di krusero stratégiko desde un supmarino den un demostrashon di forsa, un ratu promé ku Merka i Surkorea a realisá ehersisionan importante huntu, segun informashon di medionan estatal djaluna trempan.
E supmarino a tira e misilnan for di region di siudat na kosta oriental di Sinpo djadumingu mainta, segun indikashon di e agensia di notisia KCNA.
Ehérsito di Surkorea a bisa ku a detektá e lansamentu di un misil no spesifiká, sin duna detaye, segun e agensia di notisia Yonhap.
KCNA a bisa ku e ensayonan tabata eksitoso, ya ku e misilnan a alkansá nan ophetivo no spesifiká den laman na kosta ost di e península di Korea.
E lansamentu a sosodé un algun ora promé ku Sur Korea i Merka a kuminsá ku nan ehersisio konhunto di mas grandi den sinku aña. Pyongyang ku tin arma nuklear a atvertí ku e ehersisionan aki ta konsiderá komo un “deklarashon di guera”.
