WASHINGTON, AP.- Djamars eks presidente Barack Obama a anunsiá su sosten na 81 kandidato demókrata den 13 estado di e pais, ku énfasis riba esnan hóben i di diversidat étniko.
Den un komunikado, Obama a bisa ku e ta respaldá e aspirantenan pa gobernador, senador federal i legisladornan estatal públikamente. E kandidatonan ta inkluí nòmbernan konosí.
Entre otro, el a menshoná su respaldo na kandidatonan demókrata na e gobièrnu di California, Gavin Newsom, i Stacey Abrams pa Georgia. Tambe el a menshoná Deirdre Dejear, kandidato demókrata pa sekretaria di Estado di Iowa, e promé afroamerikano ku ta aspirá pa e kargo aki.
E postura di Obama ta sigui e kompromiso di eks promé dama Michelle Obama di ta parti di e maneho di e grupo partidista When We All Vote ku ta impulsá e registro di elektornan nobo.
