EL CAIRO, AP.- E bataya entre milisianan rival den e kapital libio a mata mas di 1.000 persona desde komienso di aprel, segun indikashon di Nashon Uni djamars. Esaki ta simplemente un kalkulo den un konflikto sin salida den e pais.
Forsanan leal na Khalifa Hifter, un veterano di ehérsito, a inisiá un ofensiva na Tripoli na komienso di aprel, avansando na parti sùit di e siudat i konfrontando ku un serie di milisiano afiliá ku e gobièrnu rekonosé pa Nashon Uni.
Ehérsito Nashonal Libio di Hifter ta supuestamente esun mas grandi i mihó organisá kompará ku otro milisianan den e pais, aparte di esaki e grupo tin sosten di Egipto, Emirato Árabe Uni i Rusia.
Organisashon Mundial di Salu a publiká un komunikado indikando ku 1.048 persona a muri desde komienso di e ofensiva, entre nan 106 sivil. E organisashon a agregá ku 5.558 a resultá herida, di kual 289 ta sivil.
Libia ta pasando dor di un situashon di kaso despues di e lantamentu na aña 2011, kaminda a retirá i mata e diktador konosí komo Muammar Gaddafi. Gruponan arma a prolifera di e pais a kombertí den un punto di tráfiko importante entre migrantenan ku ta hui di guera i pobresa na Afrika, en buska di un mihó bida na Europa.
