NEW YORK, AP.- E pasaheronan di Uber por bestèl un vehíkulo mas espasioso i un shofùr mas ketu, si nan ta dispuesto na paga algun dòler adishonal.
E kompania di ‘taksi’ a lansa su servisio “comfort” den diferente siudat. E pasahero ta haña un espasio mínimo di 91 centimeter pa strech su pia den un outo nobo (ku ménos di sinku aña bieu), i por hasi petishon pa ahustá e temperatura. E usuarionan por usa e app pa indiká ku nan no kier kombersá, i asina evitá un momentu inkómodo.
Uber a bisa ku e medidanan a wòrdu adoptá dor ku mayoria pasahero ta indiká ku nan kier simplemente traha òf deskansá.
Uber a lansa su servisio “quiet mode” pa Uber Black. E shofùrnan a kritiká e medida indikando ku nan ta sinti manera un robòt trahando.
E biahe comfort ta kosta entre 20% i 40% mas kompará ku un biahe standart den Uber X.
Uber por oumentá su entrada ku e servisio nobo aki i sigurá rentabilidat pa e kompania.
Uber no a registrá ganashi i e kompania a pèrdè 1.000 mion dòler den e promé trimèster di 2019.
