WASHINGTON, AP.- Un gran kantidat di demókrata a eksigí renunsia di sekretario di Trabou, Alexander Acosta pa su partisipashon den un akuerdo di 2008, kaminda el a permití e finansiero Jeffrey Epstein pa haña ekstenshon di pasa un tempu den prizòn apesar di akusashonnan di abusu seksual di menor.
Esnan ku kier renunsia di Acosta ta inkluí e lider di Senado Chuck Schumer, senadornan Amy Klobuchar di Minnesota i Kirsten Gillibrand di New York i senado Tim Kaine di Virginia. E presidente di kámara di representante, demókrata Nancy Pelosi, di California a pidi e renunsia djaluna anochi.
Epstein, konosí pa su estilo di bida luhoso i konekshon ku personalidatnan poderoso manera Trump i eks presidente Bill Clinton, por enfrentá 45 aña den prizòn si e wòrdu deklará kulpabel pa trafikashon seksual. El a deklará inosente.
Acosta tabata fiskal federal na Florida na momentu ku el a partisipá den e akuerdo di Epstein ku prokurador na aña 2008, i p’esei e no a wòrdu demanda. E investigashon a involukrá por lo ménos 40 adolesente i e akuerdo a permití pa Epstein evitá un posibel bida largu den prizòn si e wòrdu deklará kulpabel.
