WASHINGTON, AP.- E aktivista i invershonista mionario Tom Steyer a anunsiá ku e lo postulá komo kandidato demókrata pa presidente. El a bisa anteriormente ku e lo postulá komo kandidato.
Steyer, di 62 aña, ta un di e liberalnan mas riku i prominente ku ta pidi un huisio polítiko kontra presidente Donald Trump. El a sorprendé mayoria demókrata den yanüari, na momentu ku el a biaha pa Iowa pa deklará ku e ta enfokando riba su kandidatura pa okupá Kas Blanku.
Steyer a indiká ku e forma kon Kámara di Representante, kontrolá pa demókratanan ta lidia ku Trump ta un frustrashon p’e. Mayoria a hasi un petishon na kámara pa kuminsá ku un investigashon di huisio polítiko. Pero e lider di kámara Nancy Pelosi a resistí, indikando ku e demókratanan mester kolekta prueba i ku falta di esaki por benefisiá Trump polítikamente.
