BRUSELAS, AP.- Agensia di Nashon Uni pa refugiadonan a bisa ku e ta preokupá ku un lei nobo apliká kontra doño di barkunan di reskate priva, kual por pone bida di migrantenan ku kier krusa laman Mediterano na peliger.
E supuesto “dekreto di seguridat”, promové pa e minister di Interior di Italia, Matteo Salvini, i aprobá pa legisladornan, ta oumentá e butnan na un máksimo di 50.000 pa 1 mion euro kontra botonan ku drenta awa teritorial di Italia sin outorisashon. Aparte di esaki, e lei ta permití aresto di e kapitannan ku desobedesé e lei i detenshon inmediato di nan boto di pari di outoridat naval.
E agensia di ONU, Organisashon di Nashon Uni, a bisa ku e organisashonnan no gubernamental ku ta operá e botonan di reskate ta hunga un ròl “balioso”, dor di reskatá bida di e migrantenan i no mester wòrdu kriminalisa pa esaki.
E komishon Europeo, e parti ehekutivo di Union Europeo, a bisa ku ta analisando e lei pa determiná si esaki ta kompatibel ku leinan di e bloke.
