HOUSTON, AP.- Un operador di 911 ta akusá di kòrta míles di yamada i mester paresé dilanti korte pa e kargo di interferí den yamadanan telefóniko di emergensia.
Crenshanda Williams, di 43 aña, a wòrdu akusá riba 5 di òktober i a keda den libertat ku un fiansa di 2.000 dòler, segun aktonan di kondado di Harris na Texas. E mester paresé dilanti korte otro siman.
E kanal di televishon KPRC a informá ku Williams tabata impliká den míles di “yamada kòrtiku” di 20 segundo òf ménos, entre òktober 2015 i mart. E hefe di sentro di emergensia na Houston, Joe Laud, a bisa djaweps ku el a haña retiro riba 4 di ougùstùs.
Den un insidente, Williams a kòrta yamada di un persona ku a denunsiá un ladronisia andando den su tienda. E hòmber a bolbe yama i a papia ku un otro operador, pero na momentu ku polis a yega, e gerente a risibí un tiru fatal.
Un bewaker a yama 911 riba 13 di mart pa denunsiá dos outo kondusiendo ku ekseso di velosidat riba un outopista na Houston. Polis a bisa ku Williams tabata e operadoriakòrtaeyamada promé ku e denunsiante por a duna su nòmber.
Segun e grabashon, Williams a kòrta i a bisa “niun hende no tin tempu pa e kosnan aki”.
Si e wòrdu deklará kulpabel. Williams ta enfrentá un aña den prizòn i un but di 4.000 dòler pa kada yamada.
