CABO SAN LUCAS, MEXICO, AP.- Orkan Newton a kibra bentana, basha palunan abou i a provoká koriente pa kasi afó en partinan di e sentronan turístiko di Cabos.
Newton a mishi ku tera den sùit di península di Baja California, na México, djamars mardugá komo kategoria 1 ku bientu di 150 kilometer pa ora. Esaki a laga áwaseru toriensial miéntras residentenan tabata buska refugio den kas i turistanan kedando den hotèl.Vários palma a wòrdu bashá abou a lo largo di Cabo San Lucas i algun bentana a kibra. Pero e siudat tabata kalmu miéntras bomberonan tabata limpia kaya i ruina ku e orkan a laga atras.
“Te ainda no tin un rapòrt di personanan ku a fayesé òf pèrdí pa e paso di e orkan Newton aki”. Asina Luis Felipe Puente a indiká riba Twitter. Puente ta kordinadó Nashonal di Protekshon Sivil.
Na 2014, Cabos a sufri dañonan fuerte di kas, komersio i hotèlnan despues di risibí e impakto di orkan Odile, kual a mishi ku tera komo un tormenta di kategoria 3.
