WILLEMSTAD – Awe mainta polis mester a bai un biaha mas pa atendé otro kaso di kiebro den un trùk di pan i atrobe den área di Zegu. E biaha aki e mala suerte a toka na porta di e trùk di pan ‘Morning Vibes’ ku ta spesialisá mas tantu den kuminda di desayuno i kòfi. E trùk aki ta keda nèt otro banda di e kaminda di Gomez Enterprises. Ladronnan a bai ku solamente un DVR ku tabatin den e truk i a laga e otro kosnan para. Ta opvio pa polis ku tin un grupo di ladron ku ta operá den e área aki di Zegu kibrando den vários trùk di pan. E último tabata e trùk di Johnny Cake tambe den área di rotònde di Zegu.
