LONDON, AP.- Pasaheronan a sufri mas kanselashon i retraso djárason miéntras Delta tabata purbando di bolbe na normalidat despues di un problema ku kòmpiuter dos dia pasá.
Mas di 150 buelo a keda kanselá djárason mainta, aparte di 800 kanselá djamars i 1.000 djaluna. Algun shen buelo a wòrdu kanselá djárason.
Delta Air Lines a bisa den un komunikado ku ta kalkulá di por reanudá na “operashonnan normal” pa djárason. Un sentenar di míles di pasahero a keda pegá na diferente parti di mundu. Algun mester a wòrdu hibá pa hotèl, entre nan 2.300 na Atlanta djamars anochi.
E sistema ku e aerolínea ta usa pa registrá su pasaheronan i permití pa subi avion ainda tin yen di tardansa, segun Gil West a indiká ayera, kende ta direktor di operashon di Delta. E problemanan a kuminsá djaluna, despues di un fayo di e ekipo krusial na sede di e empresa. Esaki a kòrta koriente i e sistema no por a risibí elektrisidat di e fuente eléktriko disponibel pa energia.
Delta a amplia su polítika di kompensashon na pasaheronan pa yuda esnan ku a wòrdu obligá pa reorganisá nan biahenan. Delta a ofresé kuponan di 200 dòler pa esnan ku su buelo mester a keda kanselá òf retrasá pa ménos di tres ora.
