WASHINGTON, AP.- Visepresidente Mike Pence a primintí di promové e polítikonan ku ta impulsá empresarionan hispániko i a selebrá e kontribushonnan di latinonan den e sosiedat merikano. E mensahe aki no a wòrdu ekspresá te ainda pa okupantenan nobo den Kas Blanku.
“E hispánikonan ta un komunidat mas dinámiko ku nos pais. Su éksito ta e éksito di Merka”. Asina Pence a bisa dirigiendo su mes pa promé biaha na e pueblo hispániko. “Nos ta bai duna yudansa na esun ku mester pa mas éksito den e próksimo añanan.
Pence a señalá ku e kantidat di empresa ku ta pertenesé na hispánikonan a oumentá mas di 50% den último dékada.
E visepresidente a señalá tambe ku su gobièrnu lo anulá e lei di salú i baha impuesto ku intenshon di fasilitá kresementu di empresanan hispániko latino. Esaki ta e sektor ku el a deskribí komo “e sektor ku mas kresementu den e total di e ekonomia” merikano.
E mensahe a tuma lugá durante un evento ku a tuma lugá pa e agrupashon konservador di empresarionan Latino Coalition.
