WASHINGTON, AP.- Pentágono lo presentá e plannan pa Kas Blanku djaweps i lo manda 10.000 sòldat adishonal pa Medio Oriente, den un intento pa intensifiká e defensanan kontra posibel menasanan iraní, segun informashon di outoridat merikano.
E funshonarionan a bisa ku a tuma un desishon final i ku no ta evidente si Kas Blanku lo aprobá pa manda tur òf solamente algun di e sòldatnan. Nan a agregá ku e medida no ta kontestá pa un menasa nobo di Tehran, pero e ophetivo ta pa reforsá seguridat den e region. E trupanan lo ta forsa di defensa, barku i un oumento di persona pa monitòr Iran.
E funshonarionan a papia ku kondishon pa keda anónimo dor ku e plannan no a wòrdu anunsiá ofisialmente.
E funshonarionan merikano no a duna detaye tokante e menasa iraní. Funshonarionan a bisa ku a retirá misilnan for di barkunan serka di kosta di Iran, pero ainda tin mas menasa marítimo.
E sekretario di defensa interino Patrick Shanahan i e sekretario di Estado Mike Pompeo a informá legisladornan ku Merka kier desanimá Iran i no provoká e pais. Merka ta akusá Tehran di pone interes di Washington na riesgo den Medio Oriente.
