QUITO, ECUADOR, AFP.- Polis ekuatoriano a disolvé un grupo di 500 indígena ku gas lakrimógeno, pa motibu ku nan a blòkia un avenida importante di Quito ku rama di palu, riba e di nuebe dia di protesta kontra gobièrnu.
Míles di indígena a yega e kapital djaluna pa manifestá pa redukshon di preisnan di kombustibel.
E grupo di 500 indígena a sali for di Universidat Salesiana i mester a dirigí pa Kas di Kultura Ekuatoriano (CCE). Pa para su avanse, polisnan anti riot a tira gas lakrimógeno riba e manifestantenan, pero despues di un ratu e manifestantenan a bolbe agrupá.
E minister di Defensa, Luis Lara, a bisa den un rueda di prensa ku “Ecuador su demokrasia ta na riesgo serio pa motibu ku e akshonnan di e manifestantenan ta impedí sirkulashon liber di mayoria ekuatoriano”.
Ecuador ta pèrdè alrededor di 50 mion dòler pa dia pa motibu di e protestanan, segun sifranan ofisial.
