TURKIA, AFP.- Polis turko a tira gas lakrimógeno kontra un grupo di hende muhé ku tabata manifestá na Istanbul pa denunsia violensia machista i e salida di Turkia di un tratado internashonal ku ta protehá hende muhé.
Manifestantenan a plama banderanan ku tabata bisa “nos ta kombatí te ora nos logra loke nos”, eksigiendo di presidente di e pais Recep Tayyip Erdogan pa regresá na e konvenshon di Istanbul, segun periodistanan di AFP.
Turkia a sali ofisialmente na yüli pasá di un tratado internashonal, e promé ku ta fiha normanan hurídiko obligatorio pa kontené violensia kontra hende muhé. E konservadónan di partido AKP na poder a afirmá ku e tratado ta impulsá e homoseksualidat i ta menasá e struktura familiar tradishonal.
Otro banderanan tabata bisa “bosnan no kai pa violensia maskulino”. E manifestantenan kier a marcha den kaya Istiklal, un di e kayanan di mas konosí na Istanbul.