WARSAW, POLONIA, AFP.- Polonia a afirmá djaluna ku e lo pidi pèrmit na Alemania pa entregá outonan di kombate di fabrikashon aleman Leopard na Ukrania, pero e pais a indiká ku e ta dispuesto na entrega esakinan asta sin aprobashon di Berlin, pa yuda Kiev kontra e invashon di Rusia.
Union Europeo a anunsiá un pakete di yudansa adishonal di 500 mion euro pa finansiá e entrega di arma na Kiev.
Pero ounke vários pais ta primintiendo arma na e pais, outoridatnan ta eksihí mas ekipo pisa, spesialmente tankinan avansá di Leopard, di fabrikashon aleman.
Despues di vários dia di preshon riba Berlin, e minister aleman di Eksterior Annalena Baerbock a indiká djadumingu ku Alemania lo no oponé si Warsaw pidi su outorisashon pa entrega e vehíkulonan na Ukrania.
Ukrania a kritiká e in- desishon global di su aliadonan na momentu ku a entrega e tankinan, un postura ku segun Kiev ta “matando mas hende”.
