KABUL (AFP).- Sigur 21 persona a muri i 38 a resultá heridá djadumingu den zùit di Afganistan ora ku un bùs a dal kontra di un trùk ku tabata hala un tanki, i un bròmer.
“Awe mainta trempan, 21 persona a muri den un aksidente entre un bùs, un trùk ku tabata hala un tanki i un bròmer”, segun outoridat provinsial a informá. Sigur 38 persona a resultá heridá.
E aksidente a tuma lugá riba e karetera ku ta konektá Herat, den wèst di Afganistan, ku Mandahar, den zùit, i e kapital, Kabul, meimei dje pais.
Segun agentenan di tránsito dje provinsia di Helmand, e bùs ku tabata biaha di Herat pa Kabul, a dal promé kontra di un bròmer, matando e motosikleta i su kompañante.
Entre e 38 heridonan, tin 11 den un situashon grave, segun departamento di informashon.
