CALAIS, FRANSIA, AFP.- Por lo ménos 27 migrante a muri djárason den un noufragio dilanti kosta na nort di Fransia. Nan destino final tabata Reino Uní.
Fransia lo no laga e kanal bira un santana”, asina presidente franses Emmauel Macron a bisa, agregando ku 31 persona a muri. Ministerio di Interior a korigí e sifra bisando ku 27 persona a muri i 2 a keda reskatá.
E mandatario franses a pidi “refuerso inmediato di Frontex na fronteranan di Union Europeo”, i un “reunion di urgensia ku ministernan europeo konserní ku migrashon”.
Fiskal a inisiá un investigashon pa vários delito, inkluyendo asesinato. E minister di interior franses, Gerald Darmanin a bisa ku kuater trafikante ta “direktamente relashoná” ku e tragedia i a keda detené.
Darmanin a bisa ku tabatin un mucha muhé na estado entre e víktimanan. E alkaldesa di Calais, Natacha Bouchart a añadí ku un di e víktimanan tabata na estado.
E dos paisnan a komprometé na reforsá nan koperashon, despues ku 1.185 migrante a yega kostanan ingles riba 11 di aprel.
