PARIS, FRANSIA, AFP.- Por lo ménos 50 persona a muri dor di represhon di forsanan di seguridat iraní kontra protestanan despues di morto di Mahsa Amini, arestá pa polis iraní pa kibra e lei di hijab, segun indikashon di un organisashon no gubernamental djabièrnè.
Segun Iran Human Rights (IHR), un organisashon ku sede na Oslo, a bisa ku seis persona a muri despues ku forsanan di seguridat den siudat di Rezvanshahr a basha bala riba nan.
A reportá manifestashonnan den 80 siudatnan i sentronan urbano desde ku e protestanan a kuminsá un siman pasa, segun e organisashon a bisa.
Outoridatnan iraní a konta por lo ménos 17 morto, di kual sinku ta miembronan di forsanan di seguridat.