LONDON, AP.- Maghan, e dukesa di Sussex, a duna lus na un yu hòmber djaluna mardugá, segun prens Harry a anunsiá. El a deklará ku e ta “inkreiblemente orguyoso” di su kasá.
E beibi a pisa 3,26 kilo i a nase 5:26 di djaluna mainta. Harry a bisa ku su yu a yega un tiki mas despues di loke nan a plania, kual a duna e pareha tempu pa skohe un nòmber,
Harry a primintí ku e lo kompartí mas detaye, manera nòmber di e beibi durante próksimo dianan. Durante su embaraso, e pareha no tabata kier sa sekso di e beibi ku antisipashon. Harry tabata presente durante nasementu di su yu.
E beibi ta di shete den rei pa heredá e trono britániko, i e di ocho bisañetu di reina Elizabeth II. Harry ta e yu hòmber mas chikitu di Charles, e prens heredero di e trono britániko i prensès Diana. Diana a fayesé den un aksidente di outo na 1997 na Paris.
