RIO DE JANEIRO, AP.- Un operashon polisial kontra krímen a laga ocho morto djaluna den favela de Mare, na Rio de Janeiro, segun indikashon di funshonarionan brasilero.
Polis sivil no tin informashon tokante identidat di e mortonan ainda, segun indikashon. Sinembargo, outoridat no a duna ningun detaye tokante loke a pasa.
Asesinatonan polisial na Rio a registrá sifranan rèkòrt den e promé tres lunanan di 2019. Segun statistik ofisial, polis a mata 434 persona den yanüari pa mart, un oumento di 18% kompará ku e 368 mortonan registrá durante e mesun periodo di aña pasá.
E gobernador di estado di Rio de Janeiro, Wilson Witzel, a asumí e puesto den yanüari despues di primintí ku e kier pa ehersé táktikanan polisial di “tira i mata”. Djasabra Witzel a publiká un video kaminda por a mira kompaña pa agentenan polisial den un helikòpter i vigilando zonanan residensial.
