QUITO, ECUADOR, AFP.- Presidente di Ecuador, Guillermo Lasso, a risibí un grupo chikí di indigenanan na kas di gobièrnu pa purba resolvé e protestanan ku ta tumando lugá pa sinku dia kaba na Quito. E manifestantenan ta eksihí redukshon di preis di kombustibel.
Lasso a risibí un sentenar di indigenanan di provinsia di Cotopaxi na Palasio di Carondelet.
Orlando Tipan, di e organisashon indígena Unoric a bisa ku por kontra ku respaldo kompleto di organisashonnan ku ke kambionan konstruktivo, despues ku el a topa ku e mandatario.
E organisashon tras di e protestanan, Conaie a bisa ku e protestanan lo kontinuá e ora gobièrnu kumpli ku un lista di 10 eksigensia, kual ta inkluí regulashon di preis di produktonan agríkola i negosiashon di debenan ku banko.
E mandatario lo reuní ku alkaldenan i gobernadornan provinsial tambe pa analisá e situashon.
Conaie a partisipá den protestanan ku a retirá tres mandatario entre 1997 i 2005. Na aña 2019 tambe e grupo a enkabesá protestanan violento kontra gobièrnu ku a laga 11 morto i mas di 1.000 herido.
