CALAIS, FRANSIA, AP.- E presidente franses, Emmanuel Macron, a biaha djamars pa haf di Calais na nort, kaminda diferente migrante a kampa. Nan kier un polítika nobo den e pais: esaki ta pa yuda esnan ku kier keda, ekspulsá esnan ku ta usa e pais komo un brùg i kastigá e polisnan ku ta komentá riba abusu kontra estranheronan.
E brùg aki a kombertí den un iman pa migrantenan, ya ku esaki ta e punto mas serka di Gran Bretaña i tin dos via pa krusa: eurotunel i fèri.
Macron a presentá su pensamentu riba e tema di inmigrashon den un diskurso dilanti agentenan di seguridat, algun di kual a wòrdu akusá di abusu kontra migrantenan.
“Calais no mester ta un porta patras pa Gran Bretaña”, asina e mandatario a bisa den referensianan e tendensia di migrantenan di drenta klandestinamente riba teritorio britániko atraves di e Kanal di Mancha.
Macron a deklará ku dor di keda na Calais na lugá di pidi asilo na Fransia, esaki no ta un bon idea. I outoridat no mester permití kreashon di un otro kampamentu di migrantenan despues ku e último a wòrdu desmantelá na 2016 pafó di Calais.
Macron ta deseá di modifiká un akuerdo di 2003, segun kual outoridat migratorio britániko por yuda den revishon di biaheronan na Calais. Nan a yuda gran Bretaña pa evitá un invashon di migrante manera a pasa den otro paisnan europeo, pero e karga di evitá e entrada aki a kai riba lomba di Fransia.
