TEHRAN, IRAN, AFP.- Tres dia despues ku el a bira presidente di Iran, Ebrahim Raisi a indiká ku e kier kombersashonnan fruktífero relashoná ku e programa nuklear di e pais, i a ekspresá su rechaso pa reuní ku presidente merikano Joe Biden.
Raisi a bisa ku “no tin ningun opstákulo” pa restourá relashon diplomátiko ku Saudi Arabia, e rival regional di shiitanan iraní.
Raisi a haña 62% di votonan den elekshon djabièrnè, i lo huramentá komo presidente den ougùstùs.
Aktualmente a negoshando na Viena pa salba e akuerdo nuklear iraní internashonal, firmá na aña 2015. Pero Raisi a bisa ku e lo no permití “negosiashonnan djis pa negoshá. E negosiashonnan mester produsí resultado pa e nashon di Iran”, asina el a bisa.
E hefe di diplomasia di Union Europeo, Josep Borrell a bisa ku e no tin motibu pa kere ku Raisi lo adoptá un posishon diferente di e gobièrnu saliente, despues ku e huramentá komo presidente.
E akuerdo di Viena ta suavisá sanshonnan oksidental i di Nashon Uní kontra Iran a kambio di e pais su kompromiso pa no enrikesé uranio.
