IOWA CITY, IOWA, MERKA, AP.- Un tribuna di apelashon a sentensiá dos ehekutivo di e industria di webu kual su empresa akusá brote di salmonela na nivel nashonal na aña 2010. Tribunal di Apelashon di Oktavo Sirkuito a respaldá e sentensianan di tres luna di prizòn aña pasá kontra Austin “Jack” DeCoster i su yu Peter DeCoster.
Hues Marck Bennett, a disidí e sentensianan aña pasá debí na un “serie di akshon bergonsoso” den su kompania fabrikante di webu, Quality Egg, kual su sede ta na Iowa. Sinembargo, Bennett a permití nan pa keda den Libertat miéntras e tabata apelá e sentensianan, ku DeCoster a kalifiká komo desproporshonal relashoná ku e delitonan ku nan ta akusá di dje.
Vários grupo empresarial, entre nan esnan di Kámara di Komersio Merikano i Asosiashon Nashonal di Manufakturero, a akudí na su defensa.
Pero den un desishon di dos voto na fabor i un kontra, tribunal di apelashon a determiná ku e tata i yu DeCoster “tabata negligente pa no impedí e brote di salmonela” i ku un sentensia di prizòn ta apropiá.
