WASHINGTON, AFP.- Senado di Merka no por efektuá un huisio polítiko hustu i serio kontra presidente Donald Trump den e poko dianan ku e falta promé ku e baha asina un lider republikano a bisa ayera.
“Di akuerdo ku e reglanan, prosedimentunan den senado, simplemente no tin e posibilidat pa e haña un huisio hustu òf serio promé ku e terminá i promé ku presidente eligí Joe Biden hura pa e kargo oro siman”, esaki segun e lider di mayoria den senado Mitch McConnell a bisa den un komunikado.
Trump a keda akusá pa Kámara di Representantenan i lo keda someté na huisio polítiko den Senado.
El a keda akusá pa instigashon debí na su komentarionan den un akto polítiko dia 6 di yanüari último ora el a dirigí su mes na un grupo ku a asaltá Capitol i a menasa e vise di vise presidente Mike Pence i e legisladónan.
