LONDON, AP.- E promé minister britániko Boris Johnson a duna òrdu pa sera mayoria tienda minorista i a prohibí tur tipo di konkurensia durante tres siman, pa yuda para e propagashon di e Coronavirus nobo.
E medidanan ku Johnson a anunsiá den un mensahe na e nashon djaluna anochi ta uni un serie di akshon severo ku Fransia, Spaña i Italia a tuma.
Gran Bretaña ya a sera skolnan, bar i restorantnan, pidiendo e pueblo pa keda den kas. Algun a sigui e rekomendashonnan i otronan no. Funshonarionan a pidi e gobièrnu pa introdusí restrikshonnan mas severo i eksigiendo pa nan wòrdu obedesé.
Johnson a bisa ku e ta dunando e “públiko britániko un òrdu hopi simpel: tur hende mester keda kas”.
E promé minister a duna un lista di motibu limitá dikon un hende por sali kas, inkluyendo pa kompra di produktonan básiko, pa konsultanan médiko i pa hasi ehersisio un biaha pa dia.
