HERUSALEM, INDEFINI, AFP.- Promé minister israelí Yair Lapid ta kontra sugerensianan pa persiguí un sòldat ku posiblemente a tira un periodista palestino-merikano mata durante un operashon di ehérsito e aña aki.
E periodista di Al jazeera tabatin un chaleko antibala i un hèlmu bistí na momentu ku el a haña bala den kabes durante un operashon di ehérsito riba un kampo di refugiado na Jenin.
Ehérsito a bisa djaluna pa promé biaha ku posiblemente un di su sòldatnan a tira Abu Akleh mata, despues ku a konfundí e reportero ku un militante. Ehérsito a hasi e anunsio despues ku nan a para ariba ku ta imposibel pa determiná fuente di e tiru, i ku posiblemente un militante a lòs e bala.
E premier no ta di akuerdo pa persiguí e sòldat ku tabata protehando su mes, djis pa satisfasé otro paisnan.
