TUNIS, TUNESIA, AFP.- Alrededor di 6.000 tunesino a protesta kontra akshonnan di presidente Kais Saied, kende a kita e promé minister, suspendé parlamento i duna su mes podernan hudisial despues di vários luna di stankamentu polítiko.
Un fuente polisial a bisa ku entre 6.000 pa 8.000 persona a manifestá i marcha den direkshon di avenida Bourguiba den sentro di Tunisia.
Outoridatnan a desplegá sentenáres di polisnan riba kaya i a prohibí e manifestantenan di drenta den e zona di Avenida Bourguiba.
Ounke e medidanan di Saied a risibí aprobashon públiko amplio, gruponan di sosiedat sivil a atvertí ku esakinan no ta demokrátiko.
