BOGOTA, COLOMBIA, AFP.- Kolombianonan di diferente sektor a protestá djaweps den siudatnan prinsipal di e pais pa eksihí un kambio di rumbo di Ivan Duque, un aña despues di manifestashonnan grandi kontra e presidente.
E grupo di organisadó ku ta inkluí diferente sindikato, studiante, profesor, dòkternan, eks guerieronan di FARC i opositornan di gobièrnu, a pidi un di sinku “paro nashonal” den kasi 20 siudat prinsipal i intermedio di Colombia. Nan ta rechasá e polítikonan ekonómiko, sosial, edukativo, di salú i seguridat di e mandatario konservador.
Presidente Duque, na poder for di 2018 ta enfrentá e malkontentu aki segun e ta lidia ku e deterioro ekonómiko i seguridat meimei di e pandemia di COVID-19.
E protestanan kontra e gobièrnu a kuminsá den Novèmber 2019 ku personanan manifestando diariamente kontra e gobièrnu di Colombia.
E biaha aki, e kolombianonan a kongregá pa manifestá kontra un oumento den violensia den zonanan apartá den e pais for di tempu ku a firma e akuerdo di pas ku e eks gueria FARC na aña 2016. Operashonnan independiente e bisa ku e violensia aki a laga 74 masakre den 2020.
