JOHANNESBURG, AP.- Polisnan na Suráfrika a enfrentá studiantenan pa e Segundo dia konsekutivo riba kampus universitario na Johannesburg, miéntras manifestantenan den e pais kompletu a pidi edukashon superior grátis.
E outonan a eksplotá na momentu ku e studiantenan tabata tira piedra riba un edifisio sentral den universidat di Witwatersrand i polis a usa bala di rùber pa asina plama nan for di otro.
Djamars trempan, e universidat a bisa ku e lèsnan a reanudá apesar ku e manifestantenan a purba opstakulisá e programa akadémiko. Djaluna, gruponan grandi di studiante a konfrontá ku polisnan i seguridat di e campus. E violensia a ekstendé den kayanan serka di esaki. Protestanan di studiantenan a sòru ku mester a sera otro universidatnan na Suráfrika. Funshonarionan a atvertí ku e studiantenan no por a kompletá e aña akadémiko.
E gobièrnu a indiká ku no tin sufisiente sèn pa proveé edukashon superior grátis pa kubri inskripshon di e alumnonan pober otro aña. E manifestantenan a bisa ku e konseshon no ta sufisiente.
