SHANGHAI, CHINA, AFP.- Sentenáres di persona a manifestá den vários siudat di China djadumingu, kaminda e indignashon kontra e polítika drakoniano di “sero covid” imponé pa outoridatnan kasi tres aña pasá.
Na Shanghai, un siudat ku tin mas ku 25 mion persona i ku a pasa dor di un ‘lockdown’ di dos luna ku a provoká skarsedat di kuminda, sentenáres di persona a marcha den silensio den sentro di e siudat.
Pero despues di un ratu polis a yega i a disolvé e manifestashonnan, segun un testigu ku a pidi pa keda anónimo. Vários testigu a afirmá ku polis di Shanghai a detené vários persona.
Pa anochi e situashon a kalma, ounke ku sentenáres di agentenan i desénas di vehíkulonan di forsanan di seguridat ainda tabata presente den e zona.
A organisá protestanan na Wuhan tambe, den sentro di e pais, kaminda a detektá e promé kasonan di covid. Un multitut di persona indigná a manifestá einan, segun videonan publiká riba retnan sosial.
China ta un di e último paisnan ku e strategia di “sero covid” ku lockdown, i karentena ekstenso i tèstmentu masal pa eradiká e fokonan di infekshon.
