MOSCOW, AP.- Presidente ruso Vladimir Putin a retirá dos mando polisial involukrá den aresto di un periodista pa kargonan relashoná ku droga. E demanda a wòrdu retirá pa falta di prueba, den un kaso ku a kousa indignashon públiko den e pais kompleto.
E retironan, kual a sosodé un dia despues di arestonan masivo den un marcha di protesta den e kapital ruso, ta reflehá e akto di balanse kuidadoso di Kremlin.
E detenshon di Ivan Golunov, demandá ku narkotráfiko a provoká muestranan di solidaridat sin presedente. Tres di e korantnan nashonal prinsipal a eksihí pa e wòrdu liberá inmediatamente.
Ministerio di Interior a retirá tur demanda kontra Golunov djamars i a pidi Putin pa retirá dos mando polisial ku a supervisá e kaso.
Peskov a bisa na reporteronan ku e presidente ta konsiderando pa ahustá inisiativanan di lei ku ta evitá ku polis pa demanda periodistanan inosente ku kargonan relashoná ku droga.
