NEW YORK, AP.- E preisnan di akshon di Wall Street tabatin pèrdidanan importante despues ku esaki a sa di un rapòrt komersial debil di China.
E eksportashonnan di China a kai ku 10% den sèptèmber, kompará ku aña pasá. Esaki ta un kaida mas grandi ku ougùstùs i tambe mas di loke a premirá.
Minero i otro empresanan ku ta fábrika material básiko tabata esnan mas afektá pasó mayoria di esakinan ta dependé di eksportashon den e pais asiátiko, e segundo ekonomia di mundu.
Minero di koper Freeport- McMoRan a kai ku 6%, esun mas kastigá den e índise Standard & Poor’s 500.
E aerolínea Delta Ai Line a kai ku 3% despues di reportá ménos ganashi di loke a premirá.
E rendimentu di bono di tesoro di 10 aña a subi na 1,74%.
