MADRID, AP.- E partido sosialista spañó esun prinsipal den oposishon di e pais a hañ’é den un krísis públiko ayera, un dia despues di e renunsia di kasi mitar di e komité ehekutivo den un rebelion kontra e sekretario general Pedro Sanchez.
E situashon a surgi poko despues ku Spaña a drenta su di 10 luna sin un gobièrnu den operashon, despues di dos elekshon na desèmber i yüni.
E bosnan di krítika den e partido sosialista Obrero Spañó PSOE ta kulpa Sanchez di ku e partido a haña resultadonan pió den su historia den elekshonnan.
Tambe nan a bisa ku esaki lo perhudiká e pais ku su insistensia den blòkia un gobièrnu di minoria di presidente di e gobièrnu na funshon aktualmente, e konservadó Mariano Rajoy, ku lo pone fin na e stankamentu polítiko.
Sanchez a reuní ku e sobra integrantenan di e komité ehekutivo ku a anunsiá di lo sigui padilanti ku un seshon di e komité federal planiá pa djasabra aki pa proponé un elekshon di lider pa 23 di òktober, loke ta klaramente mirá komo un desafio pa e krítikanan.
E hunta a pidié pa keda trankil durante loke nan a deskribí komo momentunan sin presedente den e partido di 137 aña. No ta bon kla si ta oponentenan di Sanchez a bòikotiá e reunion òf nan lo trata di hasi algu diferente promé ku kita di einan.
