LONDON, REINO UNI, AFP.- Bretaña a atvertí China djamars kontra kualke atake kontra Taiwan i a bisa Beijing ku e ta kore rísiko di kousa un agitashon nashonal i mundial si e pais no kumpli ku su obligashonnan internashonal.
Den un diskurso relashoná ku polítika di eksterior, e sekretario di Eksterior James Cleverly a afirmá ku London ke mira un “areglo pasífiko” na e eksigensianan di soberania.
China ta bisa ku Taiwan ta su teritorio i e pais a primintí ku lo poderá di esaki un dia, i ku lo usa forsa si esaki ta nesesario.
Na komienso di e luna aki, forsanan chines a realisá ehersisionan militar simulando atakenan dirigí i un blokeo di e isla.
Pero Cleverly a bisa ku e konflikto den Estrecho di Taiwan lo tin un impakto katastrófiko den kadenanan di suministro mundial, spesialmente di semi konduktornan avansá.
“Un guera lo nifiká un tragedia humano i esaki lo destruí e komersio mundial na balor di 2,6 miar dòler, segun Nikkei Asia”.