LONDON, REINO UNI, AFP.- Bretaña a ekstendé e kampaña di vakunashon ku esnan riba 70 aña di edat, segun outoridat a introdusí medidanan mas stringente pa tur biahero ku drenta e pais.
Promé Minister Boris Johnson a bisa ku kuater mion persona den e pais kompleto a keda vakuná i ku mitar di nan ta riba 80 i 50% ta den kasnan di ansiano i trahadónan den e kasnan aki.
Bretaña a drenta lockdown pa kontené e vírus aki, partikularmente e variante nobo ku a subi kasonan di infekshon i morto i pone preshon riba servisionan di salú.
Apesar ku el a bisa ku e ta spera ku kosnan lo kambia pa primavera, Johnson a agregá ku ta bai dura un ratu promé ku kita e restrikshonnan.
Bretaña su plan ta pa vakuná 15 mion persona vulnerabel pa febrüari, i e poblashon adulto kompleto pa otoño.
