WASHINGTON, AP.- E intento di partido republikano di kita e lei di e atenshon médiko di eks presidente Barack Obama konosí popularmente komo Obamacare a generá preokupashon riba e reperkushonnan ku e por tin pa hende muhé.
E lei di 2010 a kaba ku un práktika komun serka kompanianan di seguro ku nan ta kobra hende muhé mas ku hende hòmber den e seguronan individual ku tin. I el a establesé un seri di prevenshon ku mester keda proporshoná sin gastu èkstra pa hende muhé, manera método antikonseptivo i aparato pa saka lechi serka hende muhé ku ta duna yu lechi di pechu.
Esaki ta keda apliká tantu den polisnan kontratá di forma independiente komo mayoria di e plannan ofresé via di e diferente formanan.
E demokratnan den kapitolio ta hasiendo hopi pa kita e problemanan ku por bin. E gobièrnu di Donald Trump ku durante kampaña elektoral a komprometé na revoká e Obamacare ta bisa ku e spekulashon riba e plan ku nan ke supstituí kuné ta demasiado prematuro.
