OREGON, AP.- E kampaña kontra di siudatnan santuario primintí pa presidente di Merka Donald Trump a bai kaba den akshonnan di e estadonan di pais den funshon di partido ku ta goberná, lagando bon kla e divishon profundo di e divishon nashonal riba e tema di imigrashon.
Algun estado a maniobrá pa apliká su òrdu, miéntras ku otronan a purba di protehá e migrantenan ku ta biba den pais sin pèrmit di residensia. E konsepto di santuario ta tapa e medidanan di atministrashon lokal pa resistí e persekushon di migrantenan den situashonnan iregular.
California, e estado mas grandi di e pais ke establesé medidanan na nivel estatal ku ta prohibí e forsanan di seguridat kooperá ku outoridatnan federal di imigrashon. Otro estado na frontera Texas a anunsiá ku e lo tene aden fondonan di e siudatnan santuario.
E òrdunan ehekutivo resien di Trump ku ta menasá e retenshon finansiero federal di e poblashonnan ku tin e medidanan di protekshon i ta kontemplá e konstrukshon di un muraya na frontera, a provoká protesta general i a lanta e temor na mas restrikshon migratorio den futuro. E partidonan di presidente a selebrá e medidanan.
Den su mayoria e siudatnan impliká a reforsá nan maneho di santuario. No tin un definishon ofisial pero hopi bes nan ta impliká na pidi polis pa no puntra riba e situashon legal di e detenidonan.
