STOCKHOLM, SUESIA, AFP.- Riesgo di infekshon di Monkeypox ta “hopi abou” den pueblo en general i por para den paisnan kaminda e enfermedat no ta endémiko, segun indikashon di outoridatnan di salubridat djaluna, despues di un oumento den kasonan den Europa i Merka.
Te ku 21 di mei, Organisashon Mundial di Salubridat (OMS) a wòrdu notifiká di 92 kaso konfirmá di Monkeypox i 28 kaso sospechoso, detektá den 12 pais kaminda e enfermedat no ta endémiko, inkluyendo vários di Union Europeo, Merka, Oustralia i Canada.
E organismo ta teme ku e enfermedat, endémiko den algun zona di Afrika Sentral i oksidental lo ekspandé.
Pero na mes momentu, e agensia di Nashonnan Uní a bisa ku por kontrolá brotenan den paisnan no endémiko i para infekshon entre sernan humano.
Maria van Kerkhove, enkargá ku e lucha kontra covid-19 den OMS a bisa ku e transmishon ta sosodé atraves di “kontakto físiko serka, pues kontakto di kueru ku kueru”.
