LUMBERTON, AP.- Un dia despues di hui di e riu Lumber ku ta kresiendo, e residentenan di e siudat industrial aki den dekadensia mester a pasa dor di awanan koló bèrdè i sushi pa nan por yega nan ophetivo i hasi loke hopi di nos ta hasi sintá esta usa wc.
“Ainda nos no tin ni awa ni lus na kas”, asina Caroline Kahn a bisa miéntras e tabata pasa dor di awa riba un patio inundá, ku buts bistí. El a bisa ku nan mester di awa pa kumpli ku nesesidatnan di bida.
E riu a duna e pueblo ei bida i awor e ta destruyendo e komunidat. Algun 1200 residente mester a keda evakuá den botonan i reskatá pa helikòpter for di dak di nan kas na momentu ku e riu tabata krese. Di tur e lokalidatnan afektá pa orkan Matthew, e siudat aki di 22 mil persona tabata un di esnan mas gòlpiá i esun ménos prepará pa e impakto di un orkan.
Ta algu inkonsolabel asina e novelista Jill McCorkle original di lumberton a bisa. E i su kasa Tom Rankin a stür for di nan kas te pa Hillsborough ku nan pikòp yen te kasi basha over di paña i awa pa bebe. Ta un zona hopi nesesitá.
Den su hubentut McCorkle a traha komo salbabida na Lumber. E riu ku su paisahe di novela ta lugá kaminda sanguranan masha grandi ta biba. Sanguranan asina grandi ku nan mes por hisa bo karson pa pika bu.
Ta un riu masha bunita te ora e desbordá i sali for di kontrol asina McCorckle a bisa.
