MOSCOW, RUSIA, AFP.- Rusia a menasá ku e lo usa su “potensial” kompleto kontra kualke pais ku menas’é i a kompará e tankinan ku Alemania a manda pa sostené Ukrania ku e époka di nazi durante e di Segundo Guera Mundial.
E presidente ukraniano Volodymyr Zelensky, a akusá Moscow di lansa un operashon d “vengansa” di Ukrania i potensianan europeo, rondó di e promé aniversario di e atake di Rusia, kual ta 24 di febrüari.
Zelensky a hasi e atvertensia aki huntu ku e presidente di Komishon Europeo, Ursula von der Leyen, un dia promé ku un kumbre di Ukrania ku Union Europeo na Kiev.
Vários pais europeo a bai di akuerdo pa manda tankinan Leopard 2 pa Ukrania, di fabrikashon aleman.
Vladimir Putin a bisa ku atrobe “nos ta bou di menasa di tankinan aleman”. Pero Rusia tin tur instrumento pa usa kontra tur esnan ku menasa e pais, asina el a kontinuá.
E bosero di Kremlin, Dmitri Peskov a afirmá k Rusia lo usa tur su “potensial” militar pa reakshoná riba e entreganan di armanan oksidental.
