WASHINGTON, MERKA, AFP.- Donald Trump a bira e promé presidente merikano den historia ku Kámara di Representante a vota pa ‘impeach’ djárason pa akus’é ku e protestanan di siman pasá i atake kontra Capitol.
Trump no a duna un reakshon inmediato pero el a publiká un karta insistiendo ku e ta kontra tur forma di violensia entre su sostenedónan. “Mi ta urgi pa tur protesta sigui sin violensia, sin kibra lei i tambe sin vandalismo. Esaki no ta loke mi ta para pe”, asina el a bisa. “Mi kier pidi tur merikano pa kalma tur tenshon. Danki”.
Trump a sobreviví un promé ‘impeachment’ kasi un aña pasá na momentu ku republikanonan kier a bah’e pa abusu di poder i purba haña prueba di aktonan ilegal kontra Biden su famia promé ku elekshon.
