CHILE, AFP.- Senado di Chile a reuní pa husga presidente Sebastian Piñera, akusá di korupshon den e kaso di Pandora Papers, i a skucha e diferente splikashonnan di akusashonnan i defensa promé di drenta den reseso promé ku un votashon pa disidí si ta destituí e mandatario.
Ta poko probabel e destitushon di Piñera despues di e skandal pa e polémika di benta di mina na 2010 den un operashon realisá den e paraiso fiskal di Virgen Islands, esaki pa falta di sosten di e kámara mas haltu.
Tres diputado di oposishon di sentro iskierdista, promotor di e akusashon konstitushonal aprobá i den e kámara di diputadonan, a eksponé e argumentonan pa aprobá e destitushon di Piñera, pa a faya.
“Nos ta papia di korupshon, famia Piñera Morel a pretendé di benefisiá direktamente di e desishon di hefe di gobièrnu”, asina e intervenshon di e diputado iskierdista Frente Amplio Gael Yeomans a bisa.
Pa parti di e defensa, e abogado di presidente Jorge Galvez a pidi pa rechasá e akusashonnan ku ta karesé di tur fundamentu”. Ta un mentira ku famia Piñera Morel a realisá e benta di Dominga, asina Galvez a indiká.
