CUMANA, VENEZUELA, AFP.- Un protesta di kuminda, ku a derivá den un sakeo den un pueblo chikitu a laga shete herido djárason, segun indikashon di un diputado venezolano.
Mas o ménos 300 persona a protesta na Cumanacoa, un pueblo ku 50.000 habitante den estado Sucre. E protesta a sosodé dor ku negoshinan a tarda pa habri den oranan trempan di mainta, kual a kousa “desesperashon” i kaba den disturbio, segun indikashon di e diputado opositor Robert Alcala na AFP.
“Tres hòmber, dos muhé i dos adolesente a wòrdu herida”, segun indikashon di e parlamentario, agregando ku dos a wòrdu embolbí den un tiroteo ku efektivonan di Guardia Nashonal ku tabata kontrolando e protesta. “Tin seis negoshi ku a wòrdu sakiá”, segun indikashon di e legislador.
E personanan involukrá tabata protestando pa e “kosto haltu di bida i skarsedat di gasolin”, segun indikashon di un defensor di derechi humano. E krísis aki a empeorá dor di e situashon di coronavirus ku a afektá mundu kompleto.
