AL-AYAT, EGIPTO, AP.- Sinku persona a muri despues ku un trein a sali di riel djárason den parti sùit di Cairo. Asina Ministerio di Salú na Egipto djárason.
E bosero Khaled Megahed a bisa ku 27 persona a resultá heridá den e aksidente den zona di al-Ayat.
E kousanan di e aksidente no tabata konosí. Asina e minister di Transporte Galal Said a bisa. El a ordená un investigashon.
Funshonarionan di riel a bisa ku e promé tres wagòn di e trein a sali di riel, kual tabata dirigiendo pa sùit di e siudat Aswan. Servisionan di riel desde El Cairo te na sùit a wòrdu suspendé durante vários oraiawòrdureanudá parsialmente.
E aksidente a tuma lugá durante un di e épokanan di aña kaminda tabatin mas tráfiko, na momento ku miónes di egipsio ta sali di e siudatnan pa nan pueblo pa selebrá Eid al- Adha. Un fiesta importante ku ta kuminsá djaluna.
