TIFLIS, GEORGIA, AFP.- Outoridatnan nobo den e region separatista di Georgia pro ruso di Sur Osetia a anunsiá djaluna ku lo renunsiá organisashon di un referèndem relashoná ku e integrashon na Rusia.
Den un dekreto, presidente di e region Alan Gagloev a bisa ku e tuma e desishon debí na e “insertidumbre relashoná ku konsekuensianan legal” di un referèndem di e sorto aki, disidí pa su antesesor Anatoly Bibilov, i kual lo mester a tuma lugá riba 17 di yüli.
Bibilov a firma e dekreto riba 13 di mei pa organisá e referèndem. Pero Gagloev a duna òrdu pa “tene kombersashonnan ku Rusia riba tur gama di tema relashoná ku e integrashon di Sur Osetia i Federashon Ruso”.
Sur Osetia tabata sentro di un guera entre Rusia i Georgia na 2008. Kremlin a rekonosé e teritorio i tambe region separatista di Abjasia, komo estado independiente despues di e guera.
