SIUDAT DI CABO, SURAFIRKA, AP.- Eksaktamente 30 aña pasá, Nelson Mandela a wòrdu liberá pa e régimen di apartheid di Suráfrika, despues ku el a pasa 27 aña den prizòn. Su liberashon a desmantelá e sistema brutal di opreshon di rasa.
Ku su liberashon, mayoria surafrikano a mira Mandela pa promé biaha mirando ku e régimen a prohibí tur publikashon di imágen òf diskurso di dje durante su enkarselamentu.
Mandela a wòrdu skohé komo presidente den e promé elekshon multirasial di e pais, algu mas di kuater aña despues di su liberashon. Esaki tabata e momentu ku Suráfrika a superá dékadanan violento di deskriminashon rasial. Bou di su liderazgo, Suráfrika a redaktá i aprobá un konstitushon ampliamente elogiá pa defendé derechi di tur hende, kombirtiendo e den un di e promé gobièrnunan ku ta respaldá derechi di homoseksualnan.
Mandela i e presidente surafrikano F.W. de Klerk, kende a duna òrdu pa liberá Mandela a gana Premio Nobèl di Pas di 1993. Nan a gana esaki pa nan esfuersonan kontra apartheid i forma un base nobo pa demokrasia den Suráfrika.
