HARTFORD, CONNECTICUT, MERKA, AP.- Un empleado di estado di Connecticut ta retirá, na momentu ku a sorprend’é humando mariwana na trabou.
A dun’e un sanshon hopi severo i e mester rekuperá su trabou. Asina Korte Supremo di Estado a deklará djabièrnè.
Gregory Linhoff a retirá di su trabou di mantenshon den Sentro di Salú di e Universidat di Connecicut na Farmington na 2012, despues ku polis a sorprend’é humando mariwana den un outo di propiedat estatal.
Nunka e no tabatin problemanan disiplinario for di su kontratashon na 1998 i su evaluashonnan laboral tabata faborabel.
Segun su sindikato. A detené, pero despues a anulá e kargonan.
Funshonarionan estatal a bisa ku retiro tabata e úniko sanshon adekuá pa su kondukta i si no a hasi esaki, lo a trese un mensahe robes na e otro empleadonan.
Un konsiliador a anulá e retiro, bou di argumento ku Linhff tabata suspendé sin pago durante seis luna i a someté na prueba di droga, sin ku a avis’é promé ku lo hasi esaki. E akshon aki mester sosodé durante e promé aña, despues ku e regresá trabou.
Shete hues a bai di akuerdo ku e hues a kometé un fayo, dor di anulá e desishon di e konsiliador i a bisa ku ounke polítika públiko tokante uso di droga den espasio laboral, ta permití pa retirá empleadonan, esaki no ta un rekisito.
E huesnan a bisa tambe ku e situashon ta pone kapasidat di e konsiliador den duda i mester ta reservá solamente pa sirkunstansianan ekstraordinario
