NEW YORK, MERKA, AFP.- Merka a duna òrdu pa detené un individual ku a menasá ku e lo asesiná e presidente di República Dominicana, Luis Abinader, kual ta na New York pa partisipá den Asamblea Nashonal di Nashon Uní, segun indikashon di fiskal merikano djamars.
Enrique Figueroa, di 47 aña, a kuminsá ku su menasanan riba medionan sosial den ougùstùs. Esaki a alertá tur polis di New York, mirando ku aktualmente tin desénas di mandatarionan rònt mundu ku lo partisipá den e Asamblea General di Nashon Uní.
Segun investigashonnan di FBI, Figueroa a menasá ku e lo “realisá un atake violento” kontra e presidente dominikano. Aparte di esaki el a siguié den New York ya ku por mira imágennan ku vehíkulo di e presidente riba Figueroa su kuentanan online.
Figueroa ta siguidó di e organisashon derechista merikano QAnon. Hues James L. Cott di New York a duna òrdu pa detené Figueroa sin fiansa dor ku fiskal a señalá ku e e ta un peliger públiko.
Segun un informe di FBI, Figueroa a purba biaha pa Santo Domingo pero e no a logra dor ku su pasport tabata kaduká.
